www.sunnaonline.org

www.sunnaonline.org

www.sunnaonline.org

www.sunnaonline.org


الاحتفال بالمولد النبوي ... سكتش ربيع والعم أبو بسام

 


ربيع: السلام عليكم عمي أبو بسام.


أبو بسام: وعليكم السلام، أهلا أهلا بالأستاذ ربيع تفضل، شو قص؟ ولا تعليمة دقن؟

ربيع: تنين سوا متل العادة.

أبو بسام: على راسي، شو انزلت مبارح على الإحتفال؟

ربيع: طبعا أنا والعيلة، إن شاء الله تنعاد عليك، وعلى الجميع ذكرى المولد بالخير.

أبو بسام: الله يبارك فيك يا عمي.

ربيع: إيه عمي أبو بسام شوفي ما في؟

أبو بسام: انسم بدني من شوي!

ربيع: أوعا تكون قاطشلك شو دينة واحد؟

أبو بسام: صل على الحبيب يا إبني.

ربيع: اللهم صل على محمد وءاله وصحبه، خير؟

أبو بسام: إجاني زبون من شوي، وعم دردش معو متل العادة.

ربيع: وبعدين؟

أبو بسام: جاييك بالحديث، ومن موضوع لموضوع..

ربيع: شطبتو موس بالغلط.

أبو بسام: يا إبني إشبك فاير هالفورة علي، خلينا نكمل الحديث.

ربيع: تفضل عمي.

أبو بسام: قام فتحنا سيرة ذكرى المولد.

ربيع: وبعدين؟

أبو بسام: طلع هيدا الزلمي ما بيعرف ليه منحتفل بذكرى المولد، فصرت إحكيلو عن عادات المسلمين، كيف كانوا يفرشوا الأرض حصر، ويوزعوا العصير والحلو حبا بالنبي عليه السلام، ويحتفلوا بهالذكرى أيام وأيام، وبالليل يجمتعوا على قراءة المولد والذكر والإنشاد وأنواع الخير.

ربيع: وشو لسملك بدنك؟

أبو بسام: إنو كيف هالزلمي ما بيعرف ليه.. ما كل المسلمين بكل الدنيا بيحتفلوا من ميات السنين بذكرى المولد شكرا لله وحمدا له سبحانه وتعالى على نعمة بعثة محمد عليه السلام.

ربيع: وفهم الزبون ما علينا؟

أبو بسام: له له عمك أبو بسام بيعجبك.

ربيع: ما إلنا شي، بس درلي بالك على دينتي.


رابط ذو صله : http://www.sunnaonline.org
القسم : منـاسبات إسـلامية
الزيارات : 2863
التاريخ : 7/2/2011